अल्काटेलचा व्हाईस कॉलींग टॅबलेट

0

अल्काटेल कंपनीने फोर-जी नेटवर्क कनेक्टिव्हिटी असणारा पीओपी४ १० फोर-जी हा टॅबलेट भारतीय ग्राहकांसाठी सादर केला आहे.

या मॉडेलमध्ये १०.१ इंच आकारमानाचा आणि फुल एचडी म्हणजेच १२८० बाय ८०० पिक्सल्स क्षमतेचा डिस्प्ले प्रदान करण्यात आला आहे. यात मीडियाटेकचा क्वॉड-कोअर एमटी८१२७ प्रोसेसर देण्यात आला आहे. याची रॅम २ जीबी आणि इनबिल्ट स्टोअरेज १६ जीबी असून ते मायक्रो-एसडी कार्डच्या मदतीने ३२ जीबीपर्यंत वाढविण्याची सुविधा देण्यात आली आहे. तर हा टॅबलेट ८ व ५ मेगापिक्सल्सच्या अनुक्रमे मुख्य व फ्रंट कॅमेर्‍यांनी सज्ज आहेत. यातील बॅटरी ५८३० मिलीअँपिअर क्षमतेची आहे. यात प्राथमिक व माध्यमिक शाळकरी विद्यार्थ्यांसाठी एनसीईआरटीच्या पाठ्यपुस्तकांवर आधारित अ‍ॅप इनबिल्ट अवस्थेत देण्यात आले आहे. यात हिंदी, इंग्रजी आणि उर्दू या माध्यमांमधील पुस्तके असून यांचा ऑफलाईन वापरदेखील करता येतो.

अल्काटेल पीओपी४ १० या मॉडेलमध्ये वाय-फाय, जीपीएस/ए-जीपीएस, ब्ल्यु-टुथ, वाय-फाय डायरेक्ट, हेडफोन जॅक आदी फिचर्स दिलेले आहेत. हा टॅबलेट ग्राहकांना १०,९९९ रूपये मूल्यात फ्लिपकार्ट या शॉपींग पोर्टलवरून खरेदी करता येणार आहे. यात कुणीही फोर-जी नेटवर्कचा सपोर्ट असणारे सीमकार्ड टाकून व्हाईस कॉलींगसह इंटरनेटचा वापर करू शकतो.

LEAVE A REPLY

Please enter your comment!
Please enter your name here